တစ်နေ့ကဆွီဒင်နိုင်ငံရဲ့စတုတ္ထအကြီးဆုံးမြို့ဖြစ်တဲ့ ဟယ်ဆင်ဘိုး မြို့ကိုမိသားစုဈေးဝယ်
သွားခဲ့ကြပါတယ်။
မိတ်ဆုံအလှူ ပွဲလေးမှာထမင်းရော မြန်မာမုန့်ဟင်းခါးပါကျွေးမွေးချင်တာကြောင့်
အဓိက မုန့်ဟင်းခါးဖတ်နဲ့ငါးခူသွားဝယ်ကြရတာပါ။
ဒိန်းမတ်ရဲ့မြို့တော် "ကိုပင်ဟေဂင်" ကိုသွားဝယ်ရင်လဲဖြစ်ပေမယ့် ပိုပြီးဈေးဝယ်လို့လဲကောင်း၊
တွက်ခြေလည်းကိုက်တာကြောင့်ဆွီဒင်ကိုဘဲနှစ်တိုင်းသွားဝယ်ဖြစ်ပါတယ်။
ကျွန်တော်တို့နေထိုင်ရာ "Dronningmølle" မြို့လေးကနေ ဆွီဒင်နဲ့ ဘော(လ်)တစ်ပင်လယ်၊
ရေလက်ကြားဘဲခြားတဲ့ ဒိန်းမတ်ရဲ့ "Helsingør" မြို့ကို မိနစ် ၂၀ ဘဲသွားကြရပါတယ်။
အဲဒီမြို့လေးရဲ့ ဆိပ်ကမ်းမှာကားတင်ကူးတို့သင်္ဘောကြီး (Ferry) ၃စင်းက
မိနစ် ၂၀ တိုင်းမှာ ဟိုဘက်ကမ်းဆွီဒင်ကိုခေါက်တုံ့ခေါက်ပြန် တနေကုန်ပြေးဆွဲပေးနေ
တာကြောင့်အဆင်ပြေပြေသွားကြရပါတယ်။
သင်္ဘောကြီးတွေဟာအောက်က၀မ်းဗိုက်ထဲမှာကားကြီး၊ ကားငယ်တွေတင်ပြီး အပေါ်က
အထပ်တွေမှာခရီးသည်တွေချောင်ချောင်ချိချိ စီးနိုင်ကြပါတယ်။
သင်္ဘောပေါ်ကိုကားတင်တဲ့အခါမှာလည်းသာမန်လမ်းပေါ်မှာမောင်းသလိုမောင်းတက်
နိုင်တဲ့အပြင် ခရီးသည်တွေအဆင်းအတက်လုပ်ရင်လည်း လူသွားစင်္ကြံ တွေမှတဆင့်
သက်တောင့်သက်သာဆင်းတက်နိုင်ကြပါတယ်။
၅ မိနစ်ဝန်းကျင်မှာကားအတင်အချ၊ လူအဆင်းအတက်အားလုံးပြီးသွားပါပြီ။
ကမ်းကူးချိန် ၁၅ မိနစ်ဝန်းကျင်ဘဲကြာပါတယ်။ သင်္ဘောကြီးပေါ်မှာစားသောက်ဆိုင်တွေ
ပါရှိပါတယ်။ ဒီတခေါက်ကျွန်တော်တို့စီးတဲ့ "Tycho" ဆိုတဲ့သင်္ဘောကြီးပေါ်မှာ
အလှကုန်ရောင်းတဲ့ Duty free ဆိုင်ပါ ပါလာတာကြောင့် ကျွန်တော်တွက်ခြေမကိုက်
ဖြစ်ရပြီးသူရို့သားအမိကတော့ရေမွှေးတွေရလာကြပါတော့တယ်။
နောက်အခေါက်တွေတော့ရေမွှေးဘိုးမကုန်အောင်ကိုယ်ဘဲအပင်ပန်းခံပြီး ကိုပင်ဟေဂင် ကိုဈေးသွားဝယ်ပေးရတာမှခပ်ကောင်းကောင်းဖြစ်မှာပါ။
ဟိုဘက်ကမ်းရောက်တဲ့အခါမတော့ မြို့ထဲမှာဓါတ်ပုံတွေရိုက်ကြပြီး ဈေးဝယ်မယ့်
ဗီယက်နမ်ဆိုင်ရှိရာကိုချီတက်ကြပါတော့တယ်။
အဲဒီမှာပစ္စည်းတွေက ဒိန်းမတ်ထက်ဈေးလဲချို တဲ့အပြင် ဒိန်းမတ်ငွေကို ဆွီဒင်ငွေနဲ့တွက်ယူ
တဲ့အတွက်ပိုလို့သက်သာပြန်ပါတော့တယ်။ ဒိန်းမတ်ငွေဈေးကပိုမြင့်တာကြောင့်ပါ။
ပွဲသွားကြော့ကြော့ ဖြစ်ခဲ့ပေမယ့်အပြန်မှာတော့ မိတ်ဆွေတွေကိုကျွေးရမှာမို့ ကြည်နူးစိတ်နဲ့အတူအထုတ်ကိုယ်စီထမ်းလို့ပြန်ခဲ့ကြပါတော့တယ်။
(Fb post. May,2015)
No comments:
Post a Comment