ကလေးတွေစာမဖတ်တတ်ခင် စာဖတ်ပြပါ

Read to the children.

"မကြာခဏ နည်းနည်းချင်းစာဖတ်ပြပါ"
"ကျယ်ကျယ်ဖတ်ပြပါ၊ ပုံတွေကိုရှင်းပြပါ"(ကလေးတွေဟာအဖေနဲ့အမေ့အသံကိုချစ်ပါတယ်)
"အခေါက်ကျော့ဖတ်ပြပါ"(ကလေးတွေကပြန်ပြန်ပြီးနားထောင်ရတာကိုလည်းကြိုက်ပါတယ်)
"နားထောင်တတ်ရင်ဖတ်ပြပါ"(ကလေးတွေအတွက်စာအုပ်ဖြစ်ရပါမယ်)
"နေရာတိုင်းမှာဖတ်ပြပါ"(အိပ်ယာထဲ၊ ခရီးသွားနေစဉ်၊ ဧည့်ခန်း၊ ထမင်းစားခန်းမှာ)

ကျွန်တော်အလုပ်ဝင်နေတဲ့ဒိန်းမတ်နိုင်ငံက နေ့ကလေးထိန်းနဲ့မူကြို ကျောင်းလေးက စာတန်းလေးတွေကိုဘာသာပြန်ပေးထားတာပါ။
ကလေးနဲ့လူငယ်စိတ်ပိုင်းဆိုင်ရာ ပါမောက္ခတစ်ဦးကတိုက်တွန်းထားတာဖြစ်ပါတယ်။
စာဖတ်ပြခြင်းဟာ ကလေးတွေအတွက်အကောင်းဆုံးအတူနေပေးခြင်းလို့ သူကဆိုပါတယ်။

ကျွန်တော့်ကျောင်းမှာတော့ကလေးတွေကိုမကြာခဏစာဖတ်ပြကြပါတယ်။
အထူးသဖြင့် သူတို့နေ့လည်စာစားချိန်မှာ အမူအရာနဲ့ပါဖတ်ပြကြပါတယ်။
တစ်ချက်ခုတ်နှစ်ချက်ပြတ် ဆိုပါတော့ သူတို့နေ့လည်စာစားရင်းရန်ဖြစ်မှာ၊
လုစားမှာတွေကိုလည်း ကာကွယ်ပြီးသားရတာပေါ့။
ကလေးတွေအတွက်သီးသန့်ထုတ်ထားတဲ့စာအုပ်တွေလည်းအများကြီးပါဘဲ။

ကျွန်တော်တို့နိုင်ငံမှာလည်း ခလေးတွေကိုအိပ်ရာဝင်ပုံပြင်ပြောပြကြလေ့ရှိပါတယ်။
အင်မတန်ကောင်းတဲ့ဓလေ့ပါ။
တစ္ဆေ၊ သူရဲပုံပြင်တွေမဟုတ်ဘဲ ဇာတ်တော်ကြီးဆယ်ဘွဲ့ကိုပုံပြင်ပမာပြောပြနိုင်ရင်ဖြင့်
အင်မတန်အကျိုးရှိစေမှာဘဲဖြစ်ပါတယ်။
ရွှေယုန်နဲ့ရွှေကျားကောင်းသလို ကျားကြီးလာပြီလို့ တကယ်မလာဘဲနောက်ပြောင်ညာပြော
တတ်တဲ့ နွားကျောင်းသားပုံပြင်တို့ဟာလည်းအလွန်ကောင်းပါတယ်။

ကျွန်တော်တို့ငယ်ငယ်စာမဖတ်တတ်ခင်တုန်းကတော့ တေဇ(လစဉ်)၊ရွှေသွေး(အပါတ်စဉ်) တို့ကိုမျှော်ခဲ့ရဘူးပါတယ်။
စာစောင်ထွက်ရင်သွားယူထားပြီး ဖတ်ပြမယ့် ဆရာမမေမေကျောင်းကပြန်အလာကိုမျှော်ရတာ

ကလည်းအလုပ်တစ်ခုဖြစ်ခဲ့ပါတယ်။စာအမြန်ဖတ်တတ်ချင်ခဲ့ပါတယ်။
လေး၊ ငါးတန်းရောက်တော့ဖေဖေ ၀ယ်ပေးတဲ့ ဖွါးဖွါးမာရေးတဲ့ပုံပြင်စာအုပ်တွေ၊
ဗိုလ်ချုပ်အောင်ဆန်းမိန့်ခွန်းများစာအုပ်တွေကိုစတင်ဖတ်လာပါပြီ။

ဂယက်နီ(ဦး)၊ ကွန်းဇော်(ဦး) စသူတို့ကလူငယ်စာပေကောင်းလေးတွေရေးကြ၊
ဘာသာပြန်ကြတာတွေ့ရပါတယ်။ "ကင်းထောက်လူငယ်လေးများ" စာအုပ်ဟာ
ကျွန်တော့်အသည်းစွဲဖြစ်ခဲ့ဘူးပါတယ်။

ကြုံ ကြိုက်လို့ပြောရရင်ကျွန်တော်အခုရောက်နေတဲ့ ကိုပင်ဟေဂင်မြို့ ကို
ငယ်ငယ်ကထဲက သခင်ဘသောင်းဘာသာပြန်တဲ့ အန်ဒါဆင်ရဲ့ပုံပြင်များ
ကိုဖတ်ပြီးစာထဲမှာရောက်ဘူးနေခဲ့ပါတယ်။
အဲဒီတုန်းကတော့ကြွက်တွေနဲ့ညစ်ပတ်နေတဲ့ လူဆင်းရဲတွေများတဲ့ကိုပင်ဟေဂင်မြို့ပေါ့။
အေးလွန်းလို့လမ်းပေါ်မှာသေသွားတဲ့ခလေးမလေးပုံပြင်ဟာလည်းကြေကွဲစရာလေးပါ။

အခုတော့ ၁၈၄၉ မှာရေးဆွဲခဲ့တဲ့ ဒီမိုကရေစီဖွဲ့စည်းပုံအခြေခံဥပဒေ ကြောင့်ပေါက်ဖွား
လာတဲ့ ဒီမိုကရေစီစစ်စစ်အစိုးရ အဆက်ဆက်က ပြည်သူတွေရဲ့အထွေထွေလူနေမှုဘ၀
တွေကို တစိုက်မတ်မတ်မြှင့်တင်လာခဲ့တာကြောင့် ကမ္ဘာ့အလယ်မှာ ၀င့်ဝင့်ကြွားကြွား
ကိုပင်ဟေဂင် ဖြစ်ခဲ့ရပါပြီ။

စာအုပ်တွေအကြောင်းပြန်ဆက်ရရင်ဖြင့် ကျွန်တော်နည်းနည်းကြီးလာတော့ဖေဖေက
ဒို့ကျောင်းသား၊ နိုင်ငံတကာရေးရာ စာစောင်တွေဝယ်ပေးပါပြီ။
နိုင်ငံတကာရေးရာစာစောင်မှာ နိုင်ငံတစ်နိုင်ငံရဲ့ မြို့တော်အကြောင်းအမြဲပါတတ်ပါတယ်။
ဗဟုသုတပွါးစေပါတယ်။

ကျွန်တော့်အတွက် ဖေဖေ၀ယ်ပေးနေကျ စာစောင်တွေထဲမှာတော့ "သုတပဒေသာ"
စာစောင်ကိုတော့အနှစ်သက်ဆုံးပါဘဲ။တစ်အုပ်လုံးဖတ်ချင်၊ မှတ်ချင်စရာတွေချည်းပါဘဲ။
မာတိကာအပြီး ဟာသတိုလေးတွေကလည်း အအီပြေစေပါတယ်။
(Reader's digest ထဲကပြုံးစရာလေးတွေကိုဘာသာပြန်ထားတာပါ)။

စာအုပ်အဖုံးကိုကြည့်လိုက်တာနဲ့ ဒီလတော့ဘာအကြောင်းကိုအလေးထားပြောတော့မယ်
ဆိုတာသိနိုင်ပါတယ်။
သံတမန်အဖုံးဆိုရင် သံခင်းတမန်ခင်းအကြောင်းဆောင်းပါးတွေနဲ့တစ်ပါတ်တစ်ကြိမ်အပို့အယူလုပ်ရတဲ့ သံရုံးအိတ်(Diplomatic Bag) အကြောင်းပါမကျန်ဝေေ၀ဆာဆာဖတ်ရမှာ
ဖြစ်သလို ပစ္စည်းတင်လေယာဉ်ပုံနဲ့ဆို ကာဂိုလေယာဉ်၊ ဟာကြူ လီလေယာဉ်ကြီးတွေအကြောင်း
ဆောင်းပါးတွေစုံစုံစေ့စေ့ဖတ်ရမှာဘဲဖြစ်ပါတယ်။

ကျွန်တော်မလေးရှားနိုင်ငံမှာရှိတဲ့ အီဂျစ်သံရုံးမှာ အလုပ်အင်တာဗျူး လုပ်တော့အဲဒီ
သံရုံးအိတ်အကြောင်းသိနေတော့ အင်တာဗျူးလုပ်တဲ့အရာရှိက မင်းဘယ်သံရုံးမှာ
လုပ်ခဲ့ဘူးတာလဲ မေးပါတော့တယ်။ ကျွန်တော်က စာဖတ်ဘူးတာပါလို့ ဖြေခဲ့ပါတယ်။

ကျွန်တော်အလုပ်ရလို့ ဒီဒိန်းမတ်မလာခင်အထိ အီဂျစ်သံရုံးမှာ သုံးနှစ်ကျော်လုပ်ခဲ့ပြီး
အဲဒီ Diplomatic Bag အပို့အယူကိုအပါတ်စဉ် Kuala Lumpur လေယာဉ်ကွင်းက
ကာဂိုဌာန ကိုသွားလို့လုပ်ခဲ့ရပါတယ်။
သံရုံးနဲ့သက်ဆိုင်ရာအစိုးရ တို့အပြန်အလှန်ပို့တဲ့ရုံးလုပ်ငန်းဆိုင်ရာစာရွက်စာတန်း
အထုတ်ကြီးပါ၊ ချိတ်ပိတ်ပြီးမှပို့ရပါတယ်။အထူးဦးစားပေးဝန်ဆောင်မှုကိုပေးရပါတယ်။

"သုတပဒေသာ" စာစောင်ဟာဆိုရင်
ဆောင်းပါးရှင်တွေရဲ့ဘာသာပြန်တင်ပြပုံတွေကလည်း သွက်လက်နေတာကြောင့်
ပျင်းစရာမကောင်းဘဲ ဗဟုသုတတွေရစေပါတော့တယ်။

ဒီစာစောင်မှာဆောင်းပါးတွေဖတ်ရတာငြီးစီစီဖြစ်လာရင် အပြောင်းအလဲဖတ်ရအောင်
ဘာသာပြန် ၀တ္ထု တို တစ်ပုဒ်စ၊ နှစ်ပုဒ်စ လည်းထည့်သွင်းဖေါ်ပြတတ်ပါသေးတယ်။
အင်မတန်ကောင်းတဲ့တစုံတရာသော ရသကိုပေးတဲ့ ၀တ္ထု တိုလေးတွေပါ။

အခုခေတ်လူငယ်များ ပြန်လည်ရှာဇွေဖတ်ရှုသင့်တဲ့စာစောင်ကောင်းတွေပါ။
ကျွန်တော်အမှတ်မမှားရင် စာပေဗိမာန် မှထုတ်ဝေပုံရပါတယ်။
တဆက်တည်း စာပေအသိုင်းအ၀ိုင်းနဲ့ပညာရှင်များကိုလည်း
"သုတပဒေသာ" လိုစာစောင်မျိုး ပြန်လည်ထုတ်ဝေဖို့အကြံပြု တိုက်တွန်းလိုပါတယ်။

အစက ကလေးတွေကိုစာဖတ်ပြကြဖို့ အကြောင်းလေးဘဲရေးဖို့ရာမှာ
ရည်ရွယ်မထားဘဲ ကလောင်ခေါ်ရာနောက်လိုက်မိပြီး စာရှည်သွားတာကို
စာရှု့သူမိတ်ဆွေများနားလည်ပေးပါခင်ဗျား။

(မျိုးဆက်သစ်လူငယ်များဒီဆောင်းပါးလေးဖတ်မိရင် ကာလမှန်းနိုင်အောင်ပြောရရင်
ကျွန်တော်က ၁၉၆၁ ဖွားဖြစ်ကြောင်းပါ)

(Fb post. March, 2015)