ပြည်သူကိုချိုင်းထောက်တောင်အိမ်လာပို့ပေးတဲ့အစိုးရ

ဒိန်းမတ်နိုင်ငံက ပြည်သူ့ဝန်ဆောင်မှုလုပ်ငန်းတစ်ခုအကြောင်းတင်ပြချင်တာပါ။
ဒီနိုင်ငံကပြည်သူတွေအပေါ်ဆောင်ရွက်ပေးနေတာတွေကိုအထင်တကြီးနဲ့ရေးနေခြင်းဆိုတာထက် ကျွန်တော်တို့နိုင်ငံကပြည်သူတွေလည်းတစ်နေ့ခံစားကြရပါစေ ဆိုတဲ့စေတနာသာအဓိကထားပြီးရေးသားပါတယ်။
ဒိန်းမတ်နိုင်ငံမှာရှိတဲ့ သက်ကြီးရွယ်အိုပင်စင်စားတွေနဲ့မသန်မစွမ်းသူများအားလုံးရဲ့ လိုအပ်တဲ့ကျန်းမာရေးအထောက်အကူပြု ပစ္စည်း၊ ကရိယာတွေ ကိုနိုင်ငံတော်အစိုးရအစီအစဉ်နဲ့ အိမ်တိုင်ရာရောက်အခမဲ့ဌားရမ်းပေးတဲ့ အကျိုး ဆောင်လုပ်ငန်းအကြောင်းဖြစ်ပါတယ်။

ကျွန်တော်တို့နိုင်ငံနဲ့မတူတာကဒိန်းမတ်နိုင်ငံမှာ အသက် ၆၅နှစ်ပြည့်ပြီးသူတိုင်း၊ အလုပ် လုပ်ခဲ့သည်ဖြစ်စေ၊ မလုပ်နိုင်ခဲ့သည်ဖြစ်စေ နိုင်ငံတော်ကနေ လုံလောက်မှုရှိတဲ့သက်ပြည့်ပင်စင်ထောက်ပံ့ပါတယ်။ ကျန်းမာရေးအရစောစီးစွာပင်စင်ထောက်ပံ့ကြေးရရှိသူများလည်းရှိပါတယ်။ကျန်းမာရေးကောင်းတဲ့သူတိုင်းလည်း အလုပ်လုပ်ကြရပြီး လစဉ်ပင်စင်ကြေးကိုထည့်ဝင်ကြရပါတယ်။
မည်သည့်လုပ်ငန်းလုပ်ကိုင်သည့်မည်သူမဆို နိုင်ငံတော်ကိုဝင်ငွေခွန် ၃၈ ရာခိုင်နှုန်းနဲ့ သိပ်မများတဲ့ပင်စင်ကြေးကိုလစဉ်လစာငွေထဲမှဖြတ်ယူထားပါတယ်။ထူးခြားတာက ၀င်ငွေများလာတာနဲ့ အခွန်ရာခိုင်နှုန်းပါ များပြီးပြောင်းပေးရပါတယ်၊ ဥပမာ..ဒိန်းမတ်မှာအလုပ်လုပ်ချိန် တစ်ပတ်ကို ၃၇နာရီသတ်မှတ်ပေးထားပြီး ၀င်ငွေခွန် ၃၈ ရာနှုန်းပေးဆောင်ရပါတယ်၊ ၃၇ နာရီထက်ပိုလုပ်လို့ ရတဲ့ဝင်ငွေခွန်ကတော့ ၃၈ ထက်ပိုများသွားပါပြီ။ သာမန်အလုပ်သမားလစာနဲ့ ဆရာဝန်၊ အင်ဂျင်နီယာ၊ အရာရှိတွေလစာတွေဟာပြောပလောက်အောင်မကွာခြားပါဘူး၊
ဘယ်သူမှလစာကလွဲလို့အပိုဝင်ငွေမရှိကြပါဘူး။ တစ်ဦးချင်းဝင်ငွေသိပ်မကွာခြားအောင်အဲလိုနည်းတွေနဲ့ထိန်းပါတယ်။
သူဌေးကြီးတွေများလေ ပြည်သူ့အတွက်ကျိုးရှိလေပါဘဲ။

ဒိန်းမတ်မှာလူတိုင်းအခွန်ဆောင်ကြရတယ်လို့ပြောလို့ရပါတယ်။
ပင်စင်ထောက်ပံ့ကြေးများ၊ကလေးထောက်ပံ့ကြေးများ၊ ကျောင်းသားထောက်ပံ့ကြေးများ၊ အလုပ်လက်မဲ့ထောက်ပံ့ကြေးများ၊ မသန်မစွမ်းထောက်ပံ့ကြေးများ နဲ့  နေ့စဉ်ဝယ်ယူသုံးစွဲနေတဲ့ပစ္စည်းတိုင်းဟာလည်းအခွန်စည်းကြပ်ထားပြီးဖြစ်ပါတယ်။ပြည်သူ့ဝန်ဆောင်မှုလုပ်ငန်းတွေအတွက်လည်း ဒီပြည်သူတွေဆီကယူထားတဲ့ဝင်ငွေခွန်တွေကဘဲအသုံးပြုပါတယ်။ ငါးကြင်းဆီကိုယူထားပြီး ငါးကြင်းကိုလည်းကောင်းမွန်စွာကြော်တယ်ဆိုရပါ့မယ်။

အထူးစနစ်ကျ လာဘ်ပေးလာဘ်ယူမှုကင်းရှင်းတဲ့ နိုင်ငံတော်အခွန်ဌာနနဲ့အပေါ်ထပ်အဆောက်အအုံရှိတာကြောင့်နိုင်ငံတော်ကရတဲ့အကျိုးအမြတ်နဲ့ ပြည်သူ့ဘဏ္ဍာခွန်တွေဟာပြည်သူတွေဆီကိုဘဲစီးဆင်းပါတယ်။လုပ်ငန်းရှင်သူဌေးကြီးများကလည်းဝင်ငွေခွန်ကိုတိကျစွာဆောင်ကြတာကြောင့် သူတို့တစ်တွေစီးပွားရေးအောင်မြင်ကြီးပွားတာနဲ့အမျှ နိုင်ငံတော်နဲ့ပြည်သူမှာအကျိုးများရပါတယ်။အခုတင်ပြချင်တဲ့ပြည်သူ့ဝန်ဆောင်မှုလုပ်ငန်းကတော့ ဒိန်းမတ်တစ်နိုင်ငံလုံးမှာရှိပါတယ်။ဝန်ဆောင်မှုလုပ်ငန်းတွေကိုဆောင်ရွက်ကြတာကတော့ ပုဂ္ဂလိကကုမ္ပဏီတွေဖြစ်ကြပြီးမြို့နယ်အုပ်ချုပ်ရေးရုံးကလမ်းညွှန်ပံ့ပိုးပေးပါတယ်။ အဲဒီဝန်ဆောင်မှုပေးတဲ့ကုမ္ပဏီတွေမှာ မသန်မစွမ်းကလေးအတွက်မှအစ သက်ကြီးရွယ်အိုအဆုံးလိုအပ်တဲ့ကျန်းမာရေးအထောက်အကူပြု ပစ္စည်းကရိယာတွေထားရှိထိန်းသိမ်းထားပါတယ်။
ဥပမာ။   ။ မသန်မစွမ်းကလေးတွေအတွက်အထူးထိုင်ခုံ၊ တွန်းလှည်း၊ သက်ကြီးရွယ်အိုများအတွက် ကုတင်၊ မွေ့ယာ၊ စောင်၊ ထိုင်ခုံ၊ Wheel Chair (စက်မဲ့ကောစက်နဲ့ပါဆိုဒ်စုံ)၊ လမ်းလျှောက်လှည်း၊လူကြီးတွေကိုချီမနေရာရွှေ့ပြောင်းစက်၊ စကူဒါ၊ ချိုင်းထောက်၊ ဒုတ်ကောက်၊ တင်ပါးအနာရှိသူများအတွက်အထူးဖင်ထိုင်ခုံမျိုးစုံ၊ ထိုင်ခုံအိမ်သာ၊ ရေချိုးထိုင်ခုံ၊ ကုတင်ပေါ်မှာဘဲစားသောက်ဖို့စားပွဲ၊ မျက်စိမမြင်သူများအတွက်အသံထွက်နာရီ၊အသံထွက်ဝတ္ထု ဇာတ်လမ်းတွေနားထောင်ဖို့စက် အစရှိသည်တို့ဖြစ်ပါတယ်။


                                           အထောက်အကူပစ္စည်းအချို့

မြို့နယ်အုပ်ချုပ်ရေးရုံးရဲ့ဘတ်ဂျက်ကနေပစ္စည်းများဝယ်ပေးခြင်း၊ အသစ်ဖြည့်ဆည်းခြင်း၊ ကုမ္ပဏီကိုငွေချေ ခြင်းစတာတွေကိုဆောင်ရွက်ပါတယ်။ ကျန်းမာရေးအထောက်အကူပစ္စည်းလိုအပ်တဲ့ သက်ကြီးရွယ်အိုတွေ၊ မသန်မစွမ်းသူတွေလိုအပ်တဲ့ပစ္စည်းတွေကိုသက်ဆိုင်ရာမြို့နယ်အုပ်ချုပ်ရေးရုံးကနေ
လုပ်ငန်းဆောင်ရွက်နေတဲ့ကုမ္ပဏီကို အိမ်တိုင်ရာရောက်ပို့ဆောင်တတ်ဆင်ပေးစေခြင်းဖြစ်ပါတယ်။
မသန်စွမ်း၊ မကျန်းမာသူများအတွက် အိပ်ဖို့၊ အိပ်ရာမှထနိုင်ဖို့၊ ထိုင်နိုင်ဖို့၊ လမ်းလျှောက်နိုင်ဖို့၊ ကုန်ကုန်ပြောရရင် အိမ်သာအလွယ်တကူတက်နိုင်ဖို့၊ စတဲ့လိုအပ်တဲ့ အထောက်အကူပစ္စည်းကရိယာ တွေကို မြို့နယ်အာဏာပိုင်အဖွဲ့အစည်းရဲ့ အစီအစဉ်နဲ့ အိမ်တိုင်ရာရောက်အခမဲ့ ပို့ဆောင်တတ်ဆင်ပေးပါတယ်။

မကျန်းမာသူရဲ့ အနေအထားလိုက်လို့ အိပ်နိုင်ဖို့မွေ့ရာကိုက ၁၀ မျိုးဝန်းကျင်နဲ့ ထိုင်နိုင်ဖို့ ထိုင်ခုံကလည်း ၁၀မျိုးဝန်းကျင်တီထွင်ထုတ်လုပ်ထားပါတယ်။
ကျွန်တော့် အသက်၅၀ ကျော်မှမြင်ဘူး၊ တွေ့ဘူးရတာဖြစ်ပါတယ်။
သက်ဆိုင်ရာမြို့နယ်တိုင်းမှာနေ့စဉ်ဆောင်ရွက်ပေးနေရတဲ့လုပ်ငန်းဖြစ်ပါတယ်။ ၀န်ဆောင်မှုပေးနေတဲ့ကုမ္ပဏီရဲ့လုပ်ငန်းပိုင်းဆိုင်ရာကိုလေ့လာကြည့်မယ်ဆိုရင်တော့ရုံးလုပ်ငန်း၊ အထူးမော်တော်ယာဉ်တွေနဲ့အပို့၊ အသိမ်းဌာန၊ ပြန်အပ်လိုက်တဲ့ပစ္စည်း၊ ကရိယာတွေကို ပြု ပြင်ထိန်းသိမ်းတဲ့ဌာန စသဖြင့်ဘဲဖြစ်ပါတယ်။ဒိန်းမတ်နိုင်ငံဟာနံနက်စောစောအလုပ်စလုပ်ကြတဲ့နိုင်ငံဖြစ်တာနဲ့အညီ မနက် ၇နာရီခွဲဆိုရင် အဲဒီနေ့အတွက်သွားရောက်ပို့ဆောင်တတ်ဆင်ပေးရမယ့် ပစ္စည်းကရိယာတွေကိုစနစ်တကျ ကားပေါ်တင်ဖို့လုပ်ငန်းစပါပြီ၊ သက်ဆိုင်ရာယာဉ်မောင်းကပစ္စည်းတင်သွားရောက်တတ်ဆင်ပေးပြီး
ပြန်အပ်တဲ့ပစ္စည်းများကို ပြန်လည်သယ်ယူလာရပါတယ်။ အသုံးပြုနေတဲ့သူဆုံးပါးသွားမှသာအကြောင်းကြားလို့ပြန်လည်သယ်ယူလာရတာများပါတယ်။

                 ကုတင်နဲ့အိမ်သာခွက်သွားရောက်တတ်ဆင်ပေးနေတဲ့ဝန်ထမ်းတစ်ဦး

ပီးရား ဟာအဲဒီဝန်ဆောင်မှုလုပ်ငန်းခွဲတစ်ခုက ပို့ဆောင်ပြန်သိမ်းဌာနရဲ့အမျိုးသားယာဉ်မောင်းဝန်ထမ်းတစ်ဦးပါ။တစ်နေ့တာပို့ဆောင်ပြန်သိမ်းအလုပ်တွေကိုစက်ကရိယာအကူတွေနဲ့လူအကူမလိုဘဲ သူတစ်ဦးတည်းဘဲမောင်း၊ သူဘဲပို့ဆောင်၊ ပြန်သိမ်းလုပ်နိုင်တာတွေ့ရပါတယ်။တစ်နေ့တာမှာယေဘုယျအားဖြင့် ၈နေရာဝန်းကျင်သွားရောက်တတ်ဆင်ပေးရပြီး ၃၊၄ နေရာကပြန်ပြီးအပ်လို့ဌာနကိုပြန်ယူလာရတတ်ပါတယ်။

ဥပမာ တစ်ရက်ကဆိုအုပ်ချုပ်ရေးရုံးရဲ့ညွှန်ကြားချက်နဲ့ ကျန်းမာရေးကောင်းလို့ဘိုးဘွားဂေဟာကနေအိမ်ပြန်လာမယ့် အသက် ၇၀ ၀န်းကျင်၊ ပေါင် ၃၀၀ ကျော်ဝတဲ့ဖွားဖွားကြီးအတွက် ကုတင်အကြီးစား၊ချိုင်းထောက်နဲ့အိမ်သာခွက်ကိုအိမ်တိုင်ရာရောက်ကြိုတင်ပြီးပို့ဆောင်ပေးရပါတယ်။ သားသမီးတွေနဲ့အတူနေတဲ့ဓလေ့မရှိတာကြောင့် အိမ်မှာအဖိုးကြီးတစ်ဦးတည်းရှိတာပါ။အသုံးမလိုတော့တဲ့အခါ၊ သုံးစွဲနေတဲ့သူဆုံးပါးသွားတဲ့အခါတွေမှာကျန်ရစ်သူမိသားစုကဌာနကိုပြန်လာအပ်တာရှိသလို၊ အကြောင်းကြားလို့သွားပြန်သိမ်းရတာတွေလည်းရှိပါတယ်။
ပစ္စည်းပျက်လာတာ၊ ချို့ယွင်းလာတာရှိရင်လည်းဘာလျော်ကြေးမှပေးစရာမလိုပါဘူး။ ပြင်ထိန်းဌာနက ပိုးသတ်ပြုပြင်ပြီးရင်နောက်တစ်ဦးကိုဌားဖို့အဆင်သင့်ဖြစ်ပါပြီ။ ပစ္စည်းအသစ်တွေဖြည့်ဆည်းသလို၊ ဌားတဲ့ပစ္စည်းတွေကလည်းအသစ်နဲ့၊ အသစ်နီးပါးကောင်းတဲ့ပစ္စည်းတွေချည်းဘဲဖြစ်ပါတယ်။ အသုံးပြုဖို့မသင့်တော့တဲ့ပစ္စည်းတွေကိုသတ်မှတ်ထားတဲ့စွန့်ပစ်ရာဌာနကိုသွားရောက်လွှင့်ပစ်ရပါတယ်။ 
မိမိနေထိုင်ရာမြို့နယ်မှာပစ္စည်းဌားရမ်းထားပြီး တစ်ခြားမြို့နယ်ကိုအိမ်ပြောင်းရွှေ့တဲ့သူတွေလည်းအထောက်အကူပစ္စည်းတွေကိုတစ်ပါတည်းသယ်သွားလို့ရပါတယ်။တစ်နေ့ကတော့ ပီးရား အလုပ်လုပ်နေတဲ့မြို့နယ်ကဌာနဲ့ မိုင် ၁၀၀ လောက်ဝေးတဲ့အခြားမြို့ နယ်အုပ်ချုပ်ရေးရုံးကနေ အထောက်အကူပစ္စည်းတွေပြန်လာအပ်ပါတယ်။ သုံးစွဲနေတဲ့အဖိုးတစ်ဦးဆုံးပါးသွားလို့ပါ။ အဖိုးက အရင် ပီးရားတို့မြို့နယ်မှာနေတုန်းကဌားရမ်းထားတဲ့ပစ္စည်းတွေကို တစ်ခြားမြို့နယ်ကိုသူအိမ်ပြောင်းတော့တစ်ပါတည်းသယ်သွားခဲ့တာကြောင့်ဖြစ်ပါတယ်။ ကုတင်၊ မွေ့ရာ၊ စောင်၊ ကုတင်ပေါ်မှာစားဖို့စားပွဲ၊ တွန်းလှည်း၊ ကုတင်ပေါ်ကနေတွန်းလှည်းပေါ်ရွှေ့ဖို့ ၀န်ချီစက်အသေးစားနဲ့သိုင်းကြိုး၊ အိမ်သာထိုင်ခုံလှည်း၊ ပစ္စည်းတွေဟာအဲဒီဆုံးပါးသွားတဲ့အဖိုးတစ်ဦးတည်းကိုအခမဲ့ဌားရမ်းပေးထားခဲ့တာဘဲဖြစ်ပါတယ်။                       
အထောက်အကူပစ္စည်းတွေကိုနေ့စဉ်လိုက်လံတတ်ဆင်ပေးနေတဲ့အပြင် သက်ဆိုင်ရာမြို့နယ်အုပ်ချုပ်ရေးရုံးကအရာရှိတစ်ယောက်ကလည်းတစ်ပါတ်မှာတစ်ရက် အသုံးလိုတဲ့ပြည်သူတွေနဲ့အဲဒီ ပီးရားတို့ရုံးမှာချိန်းဆိုတွေ့ဆုံပြီးသင့်တော်တဲ့ပစ္စည်းကိုကိုယ်တိုင်ေ၇ွးချယ်ဌားရမ်းပေးပါတယ်။                                  ပစ္စည်းလာဌားကြတဲ့အဖွားတစ်ဦး

ဒိန်းမတ်နိုင်ငံမှာတော့သူ့နိုင်ငံရဲ့ပြည်သူတစ်ဦးဖြစ်လာပြီဆိုတာနဲ့ မသန်မစွမ်းအဖြစ်မွေးဖွားလာသူများကိုလည်း
အထူးစောင့်ရှောက်မှုပေးတာတွေ့ရပါတယ်။ သူတို့စွမ်းဆောင်နိုင်တဲ့ဘက်တွေမှာဆောင်ရွက်ခွင့်ရအောင်လည်းဆောင်ရွက်ပေးပါတယ်။
အချု ပ်ဆိုရရင်ဒီနိုင်ငံကပြည်သူပြည်သားတွေဟာ ဒီမိုကရေစီရဲ့အသီးအပွင့်တွေကို
ခံစားနေကြရတာဘဲဖြစ်ပါတယ်။

ကျွန်တော်တို့နိုင်ငံမှာလည်း ပြည်သူအများလိုလားတောင့်တနေကြတဲ့
ဒီမိုကရေစီရှင်သန်လို့ပေါ်ထွန်းလာမယ့်
"ပြည်သူ့အစိုးရ" ကိုကြို ဆိုရင်း ချိုင်းထောက်တောင်အိမ်တိုင်ရာရောက်လာပို့ပေးတဲ့ဒိန်းမတ်အစိုးရအကြောင်း
တစ်စိတ်တစ်ဒေသကိုလက်လှမ်းမှီသမျှရေးသားတင်ပြလိုက်ရကြောင်းပါခင်ဗျား။                     


(24-30,2014,The Voice Weekly vol 10,no 11)