လုပ်ချင်တာလုပ်နိုင်တာ ဒီမိုကရေစီမဟုတ်ပါ

ဒီမိုကရေစီစနစ်ကျင့်သုံးနေတဲ့ဒိန်းမတ်နိုင်ငံရဲ့လူနေရပ်ကွက်တစ်ခုထဲက
လမ်းတစ်လမ်းပါ။
လမ်းလေးတွေတိုင်းမှာ မိမိတို့အိမ်ခြံစည်းရိုးတွေကို လူမြင်ကောင်းအောင်
အမြဲ ဖြတ်ထားရပါတယ်။ လူနေရပ်ကွက်တိုင်းမှာပါ။


ဘယ်သူမှ မာလီ ဌားမထားပါဘူး။ ကိုယ်တိုင်အလုပ်အားချိန်တွေမှာ ဖြတ်ထားကြတာပါ။
အသက် ၇၀ ကျော်အဖိုးကြီး၊ အဖွားကြီးတွေလည်း ကိုယ်တိုင်ဘဲဖြတ်ကြပါတယ်။
မိမိအိမ်ကြောင့် ပတ်ဝန်းကျင်စိတ်အနှောက်အယှက်မဖြစ်ရအောင်ပါ။
လမ်းလျောက်သူများလည်း အဆင်ပြေအောင်ဖြစ်ပါတယ်။

ဆောင်းတွင်း နှင်းတွေကျပြီဆိုရင်လည်း ကိုယ့်အိမ်ရှေ့လမ်း ကိုယ်နှင်းရှင်းကြရပါတယ်။
တစ်ခြားသူတွေ ချော်မလဲရအောင်ပါ။

ကိုယ့်အိမ်ကိုယ့်ယာဆိုပြီး နေချင်တိုင်းနေ၊ လုပ်ချင်ရာလုပ်လို့ မရပါဘူး။
အိမ်ဝန်းထဲမှာ အမှိုက်ပုံတွေမြင်မကောင်းဖြစ်နေရင် သက်ဆိုင်ရာကလာပြောပါလိမ့်မယ်။
ကိုယ့်အိမ်မှာဘဲဆိုပြီး ညအချိန်မတော် သီချင်းတွေအကျယ်ကြီးဖွင့်ပြီး အော်ဟစ်ဆူညံ
နေလို့မရပါဘူး။ ရဲ ရောက်လာပါလိမ့်မယ်။
ရပ်ကွက်ထဲမှာ မူးပြီးဆဲနေရင်လည်း အဆဲတွေမဆုံးသေးဘူး ရဲ ကလာမသွားမှာပါဘဲ။
လူကြီးသားသမီးဆိုပြီး ဥပဒေချိုးဖေါက်လို့မရပါဘူး။
သာမန်ပြည်သူသားသမီးထက် ပိုအရှက်ရစရာဖြစ်သွားပါလိမ့်မယ်။

ဒီမိုကရေစီရဲ့ လွတ်လပ်ပိုင်ခွင့်တွေဟာ ပတ်ဝန်းကျင်ကို(သို့) တစ်ခြားသောသူကို
နှောက်ယှက်ဖို့မဟုတ်ပါဘူး။
လူတစ်ယောက်ကို ဒေါသထွက်ပြီး ထိုးလို့ကြိတ်လို့ ပါးရိုက်လို့မရပါဘူး။
ချောင်းရိုက်၊ ချောင်းထု လို့မရပါဘူး။
ထောင် ကျသွားမှာဖြစ်ပါတယ်။

ပြည်သူအားလုံး လုံခြုံ စိတ်ချ အဆင်ပြေစွာ နေထိုင်နိုင်အောင် ကျောသားရင်သား၊
ဆင်းရဲချမ်းသာ၊ ဘာသာမခွဲတဲ့ ဥပဒေအောက်မှာ တစ်ပြေးညီနေထိုင်နိုင်အောင်
ဆောင်ရွက်ပေးခြင်းဟာ ဒီမိုကရေစီရဲ့ အနှစ်သာရတစ်ခုပါ။
ဒါကြောင့်ပြောင်းလဲဖို့ အချိန်တန်ပြီလို့ပြောနေကြတာဖြစ်ပါတယ်။
တစ်ပါတီအုပ်စိုးနေမှုကို တွန်းလှန်ကြဖို့အချိန်တန်ပါပြီ။
အစိုးရအဖွဲ့ထဲမှာ ပြည်သူ့ဘက်တော်သားတွေရောက်ဖို့အထူးလိုအပ်နေပါပြီ။
ဘေးထိုင်ဘုပြောနေလို့ကတော့ ဘာမှဖြစ်လာမှာမဟုတ်ပါဘူး။
ပေါ်လာတဲ့လမ်းစလေးကို အမိအရစတင်လျှောက်လှမ်းကြည့်ကြရအောင်ပါ။
ကျွန်တော်တို့ သားစဉ်မြေးဆက်တွေအတွက်ပါ။
သူတို့တွေ ကျောင်းခန်းထဲကနေ လူကြီးလာမှာမို့ နေပူထဲထွက်စောင့်နေဖို့မလိုအောင်ပါ။
ကျောင်းသားတွေ အပူအပင်ကင်းကင်း လုံခြုံစွာ စာသင်ကြားနိုင်ကြအောင်ပါ။
ဘယ်တုန်းကမှ သခင်ဘ၀မရောက်ခဲ့ကြရတဲ့ ပြည်သူတွေ..
ပြည်သူ့ မျက်နှာကြီးတဲ့နိုင်ငံမှာ ကျွန်တော်တို့ မျိုးဆက်တွေနေဘူးအောင်လို့ပါ။
သူတို့တွေလွှတ်တော်ထဲ၊အစိုးရအဖွဲ့ထဲရောက်ဖို့ တာဝန်အနည်းနဲ့အများရှိနေကြပါပြီ။
သူတို့ကို ခင်ဗျားတို့ခိုင်းနိုင်အောင်ပါ။
သူတို့မဟုတ်တာလုပ်ရင်လည်း ခင်ဗျားတို့ကျွန်တော်တို့ မောင်းချနိုင်တဲ့အခွင့်အရေး
တွေရလာဖို့ ခင်ဗျားတို့ကျွန်တော်တို့မှာ အခွင့်အလမ်း မကြာခင် ပေါ်လာပါပြီ။
လက်မလွှတ်ကြဖို့ နှိုးဆော်တိုက်တွန်းလိုက်ရကြောင်းပါခင်ဗျား။

(ရွေးကောက်ပွဲမတိုင်ခင်က ရေးထားတဲ့စာလေးကို တိုင်းပြည်အတွက် အကောင်းဆုံး
လက်ဆောင်ရွေးပေးပြီးသွားပြီဖြစ်တဲ့ ပြည်သူတွေကို ဂုဏ်ပြု လို့ ပြန်လည်ထည့်သွင်း
လိုက်ပါတယ်။ Fb post, Oct 2015 )